မုန်တိုင်းတခု
ဝင်ရောက်မွှေနှောက်ပြီဆိုရင်ဖြင့်
ဘာကိုမှ နဂိုတိုင်းပြန်မရပါ ။
ကိုယ့်မျက်လုံး တခါတရံ
အာရုံစိုက်ရပါများလို့ပြူးကျယ်လာခဲ့ပြီ ။
ခြေသံတွေကိုလဲ
ကြောက်နေမိပြန်တယ်
သူ့အပြုအမူကိုလဲ စိုးထိန့်မှုတွေနဲ့
နေလာခဲ့ရတယ် ။
ကိုယ့် စကား ကိုယ့်အပြုအမူကြောင့်
သူတပါးကိုထိခိုက်မှု မဖြစ်စေလိုပါလဲ
သူငယ်ချင်း----အပြုအမူ အနေအထိုင်ကြောင့်
လူအများ စိတ်ဒဏ်ရာရနေခဲ့တာ
သူငယ်ချင်း---သိပါရဲ့လား?
ပညာကြောင့်မာန်မတက်သင့်သလို
တဇောင့်ကန်းနဲ တဇွတ့်ထိုး ပြုမူရမည့်အရွယ်လဲမဟုတ်တော့ပါ
စဉ်းစားဖို့တွေးတောဖို့ အချိန်မပေးတော့ပဲ
ကိုယ်က
ဦးအောင်စိတ်ဆိုးပြနေတာ မကောင်းဘူးနော် ။
ခံစားရတာများတော့လဲ
နာကြင်လာရပြီကွယ်
သေချာစဉ်းစား အဖြစ်အပျက်များ
အမြင်မတော်တာတွေ ပြောကြည့်ဖို့စိတ်ကူး
ရူးတာပဲ အဖတ်တင် ။
သူငယ်ချင်း ကိုတွေ့တိုင်း ကိုယ့်အပြုံးတွေငိုနေတာ
သိပါရဲ့လားကွယ် ။
ဂုဏ်မောက်ပြီး ဘုံဖျားရောက်နေတဲ့
မသိစိတ်တွေ ထိန်းပါသိမ်းပါ
အချိန်ရှိပါသေးတယ် ။
ရုန်းကန်မှုများစွာနဲ့
အောင်မြင်လာတဲ့ ဘ၀လေးအတွက်
အတ္တ တွေမလွန်ပါနဲ့ကွယ်
နတ္တိ ဖြစ်နေတဲ့ အကြင်နာ ရင်ထဲထားပေးပါ
မုန်းစရာကောင်းတဲ့ စကားတွေ
သူငယ်ချင်းနဲ့ လူအများကြား ကိုယ်တကယ်မကြားချင်သူပါ
မဟုတ်တရုတ်နဲ့ လုပ်ဇာတ်တွေ မခင်းခဲ့ဖူးပါ
အတင်းအဖျင်းနဲ့
မကောင်းသတင်းတွေ
ပုတ်ခတ်မှုမရှိခဲ့တာ အသေအချာပါ
သူငယ်ချင်းရေ
အမှန်တရားတွေ အရာရောက်ပါစေ
ဥပေက္ခာစိတ်တွေ ရုတ်သိမ်းလိုက်ပါတော့
အမြင်စောင်းပြီး ခါးနေတဲ့
မေတ္တာ ပြန်လည်
ချိုမြိန်ပြီး သူငယ်ချင်းမိသားစုနဲ့ ပျော်ရွှင်ပါစေလို့ ။
No comments:
Post a Comment