နှင်းဝေမှ မဟုတ်ပါဘူး
မိုးစက်တွေ မကြွေတော့တဲ့
ရာသီပြောင်းချိန် ရောက်တာနဲ့
ဆောင်း ဖြစ်ပါတယ်မောင်။
အတင်း မမုန်းခိုင်းပါနဲ့
အချစ်တွေ ကုန်ဆုံးလို့
မေတ္တာတွေ မျိုးတုံးသွားချိန်မှာ
မမုန်းနိုင်ရင်တောင်
အလိုလို မေ့ဖြစ်ပါလိမ့်မယ်။
မင့် ကစားပွဲတိုင်းအတွက်
ငါ့အချစ်တွေကို လောင်းကြေး ထပ်ခံခဲ့ရတာ
အသည်းမှာ အက်ကြောင်းထင်မှ
ငါ သိမြင်ခဲ့တယ်။
အချစ်မှာ အရှုံးအမြတ် မရှိဘူးလို့ ပြောကြပေမယ့်
အချစ်ကြီးတဲ့ ငါ အရှုံးကြီး ရှုံးခဲ့တာကိုတော့
ငါ့ မျက်ရည်တွေက အသိဆုံးဖြစ်မှာပါ။
တစ်ခါတလေ သတိရမိရင်တောင်
မင်း ကျေးဇူးကြောင့်
ငါ့အသည်း တဆစ်ဆစ် နာတုန်းရယ်။
တကယ်ပါ
အတင်း မမုန်းခိုင်းလိုက်ပါနဲ့
ဆောင်း မရှိတော့တဲ့အခါ
ရာသီပြောင်းချိန် ရောက်တာနှင့်
သူ့အလိုလို
နွေ ဆိုတာ ဖြစ်ပါတယ်ကွာ။
No comments:
Post a Comment