ဒါကြောင့် ယုံကြည်မှုတွေ ပျောက်ဆုံးလာတဲ့၊ တစ်ပါးသူအပေါ် သံသယတွေ ကြီးစိုးလာတဲ့ ယနေ့ခေတ် အခြေအနေမှာ ကတိထက် လုပ်ဆောင်ချက်နဲ့ သက်သေပြဖို့က ပိုပြီး အရေးကြီးလာပါတယ်။ တာဝန်ယူမှုဆိုတာ ကတိဆိုတဲ့ စကားလုံးတိုင်းရဲ့ နောက်ကွယ်မှာ ရှိကို ရှိသင့်ပါတယ်။ လူမှုဆက်ဆံရေးကို ပစ်ထားလို့ မရတဲ့ ကျွန်တော်တို့ရဲ့ ဘ၀တွေမှာလည်း ကတိက၀တ်တွေ၊ တာဝန်ယူမှုတွေ၊ ချိုးဖောက်မှုတွေဟာ တစ်နေ့မဟုတ် တစ်နေ့ ကြုံနေ၊ ကြားနေ၊ မြင်တွေ့နေရတဲ့ စကားလုံးတွေပါပဲ။
ကတိဆိုတာမှာ တာဝန်ယူမှုကို ပြောတဲ့အတွက် ကိုယ်ဘယ်လောက် လုပ်နိုင်တယ်ဆိုတာကို သိရမှ ကိုယ်ဘယ်လောက် ဖြစ်ရမယ်ဆိုတာကို ကတိပေးနိုင်မှာပါ။ ကျွန်တော်တို့ ဘ၀တွေမှာ ယုံကြည်မှု တည်ဆောက်ခြင်းဟာလည်း အရေးကြီးတာမို့ ပြောသလောက် လုပ်ပေးနိုင်ဖို့ လိုပါတယ်။ ဆုံးရှုံးသွားတဲ့ ယုံကြည်မှုဆိုတာတွေဟာ အနာဂတ်မှာ ဘယ်တော့မှ ပြန်မရနိုင်တဲ့ အရာတွေပါ။ ဘ၀မှာ အောင်မြင်မှု၊ ကြီးပွားတိုးတက်မှုအတွက် လိုအပ်တဲ့ ယုံကြည်မှုတွေ တည်ဆောက်နိုင်ဖို့၊ ကတိဆိုတဲ့ စကားလုံးနဲ့အတူ တာဝန်ယူမှုပါ တွဲလျက်လိုက်ပါနေမှ ဖြစ်မှာပါ။
ဥပဒေတွေ၊ ပြစ်ဒဏ်တွေဟာ ကတိချိုးဖောက်မှုအတွက် လုံလောက်တဲ့ အဟန့်အတားတွေ မဟုတ်ပါဘူးဆိုတာကို တိုးပွားလာတဲ့ ကတိဖျက်မှုတွေက သက်သေခံနေပါတယ်။ အဓိက ကတော့ လူတိုင်းဟာ မိမိကိုယ်ကို ထိန်းချုပ်နိုင်မှ၊ မိမိစွမ်းဆောင်ရည်ကို အမှန်အတိုင်း သိမြင်ပြောပြနိုင်မှသာ ကတိတရားအပေါ် တာဝန်ယူမှုကို ပေးနိုင်မှာပါ။ အဓိက ကတော့ လုပ်နိုင်သလောက် လုပ်နိုင်သလောက်ပဲ ပြော၊ ပြောတဲ့အတိုင်းလုပ်၊ မသေချာဘဲ၊ မလုပ်နိုင်ဘဲ ပိုမပြောနဲ့ဆိုတဲ့ စကားသုံးခွန်းဟာ ကတိဆိုတဲ့ စကားလုံးအတွက် လုံလောက်မှာပါ........
အိမ့်(သိုးမဲလေး)
